Industria Informatika - EHU

        Gure myRIO era askotara erabiltzen dugu, baina hala ere oso pozgarria da myRIOrako egokia den prototipo-moduko kontrol sistema ahaltsu bat aurkitzea. Hau da Quanser etxeko QUBEaren kasua, Kontrol Ingeniaritza egiteko sistema bikaina.

  LabVIEW gure hizkuntza gogokoenetakoa da eta AWS gure hodei plataforma kuttunena. Ondo legoke biak batera erabiltzea, ezta? Toolkit bat dago horretarako, beraz, saia gaitezen erabiltzen.

AWS (Amazon Web Services) Hodei zerbitzuen eskaintzan liderrak dira. Gure ikasleek probatzea gustatuko litzaiguke, Hodeia IT profesionalaren oraina eta etorkizun hurbila delako. Ez dugu pausoz pausoko tutorial bat egin nahi, horrelako asko dagoelako, baina gure ikasleei nondik hasteko pista batzuk eman nahi dizkiegu.

Python gaur egun  puri-purian dagoen programazio hizkuntza da. Aukera bat eman nahi diogu eta horretan laguntzeko tresna ikaragarria (Jupyter notebooks) eta online zerbitzu harrigarria (Kaggle) dauzkagu.

MATLAB tresna itzela da ingeniariontzat. Ez bazaude berarekin ohituta, has gaitezen MATLAB pixka bat erabiltzen.

Industria 4.0 kontzeptuaren barruan Internet-Of-Things (IoT) industriara eramateko ideia dago. Laborategian erabiltzen dugun myRIO gailua IoT prototipo bezala erabiltzea interesgarria da, baina ezin dugu ti-ta egin gailua ez dagoelako horretarako prestatua, ezta gure laborategiko sarea ere.

Blog hau martxan jartzean arazo interesgarri bat sortu zitzaigun: Nola lan egin irakasgaiko hiru hizkuntzekin? Hizkuntz anitzeko web orriak buruhauste handia izaten dira, gehien bat argitaratzerakoan ahalegin handia eskatzen dutelako (horretarako tresnarik onenak izanda ere).