Learning MATLAB

MATLAB tresna itzela da ingeniariontzat. Ez bazaude berarekin ohituta, has gaitezen MATLAB pixka bat erabiltzen.

Gure graduko ikasle gehienek MATLAB pixka bat badakite Industria Informatika irakasgaiarekin hasi baino lehen, baina ideia ona dirudi blog honetan MATLAB ikasteko abiapuntu on bat izatea. Izan ere, Smartgrids Masterrean irakasgai honekin hasten diren ikasleen artean denetarik dago eta batzuek ez dute MATLAB ezagutzen. Masterrean asko erabiltzen denez MATLAB, ongi datorkie martxa hartzea ondoren etorriko zaizkien erronka gogorrei aurre egiteko.


MATLAB oso programazio hizkuntza interesgarria da zientzialariontzat. Erabilera orokorrerako bada ere, oso zuzenduta dago datuen zientzia eta matematikak egiteko. Gure ikasleei abiatzeko "MATLAB Onramp" ikastaroa egitea gomendatzen dugu. Ondorengo estekan eskura dago (erregistratu behar da hasi baino lehen):

https://www.mathworks.com/learn/tutorials/matlab-onramp.html

2017tik MATLABek bere Hodeiko bertsioa du, MATLAB Online, beraz, ezin baduzu zure eramangarrian instalatu, hor lan egin dezakezu. Gainera, oso interesgarria da gai bat bestearekin lotzen duelako. Nola funtzionatzen du Hodeiak? Non dago martxan MATLAB beraien Online zerbitzura konektatzen naizenean? Gai mamitsua.


Beraz, zein izango da gure erronka gaurko? Esan bezala, ez bazaude ohituta MATLABekin, "MATLAB Onramp" ikastaroa har ezazu lehenik. Hori eta gero, jaitsi ezazu hurrengo estekan duzun Live Script fitxategia AWS S3tik eta ireki ezazu MATLAB Online edo MATLABen.

https://s3.amazonaws.com/files.industriainformatika.pw/websaveTest.mlx

Jarraitu jarraibideak eta ongi pasa!