Cloud computing esaten da ingelesez, "La Nube" gazteleraz... nola itzuli beharko genuke euskarara? Ez da lan erraza izaten. Hiztegira joan eta "Hodeia" ikusten dugu, baina euskaldun guztiok ez dugu hitz hori erabitlzen.
Eta zer gertatzen da "Fog computing" ideiarekin? Fog ideia oso interesgarria da: Hodeiaren bertsio sinplifikatu bat (adibidez, zerbitzu bat soilik) eskala txikian inplementatzen dugu gure sistematik hurbil. Kasu horretan, latentzia (zerbitzura heltzeko denbora) txikitzen da eta, noizean behin, Fog gailua Cloud zerbitzu nagusiarekin komunikatzen da. Oso interesgarria!
Baina nola itzuliko genuke "Fog" hori? Hiztegira joanez gero, "Lainoa" deitu beharko genioke... baina euskaraz hitz hori erabiltzen da eskualde askotan "hodeia" esateko...
Hodeia, lainoa, behelainoa, lanbroa, taosa, amillena... beste egun baterako utziko dugu hitzen jokoa.
Cloud, Fog, Edge computing ikasteko esperimentatzea da onena. Aurreko blog sarrera batzuetan esperimentuak proposatu ditugu:
Hodeiaren inguruan: https://blog.industriainformatika.pw/2020/06/introduction-to-aws-ec2.html
IoT kontzeptuaren inguruan: https://blog.industriainformatika.pw/2020/04/myrio-mqtt.html
Oraingoan, erronka libre bat daukagu zuentzako. Laborategiko materiala erabiliz edo etxean dituzun gailuak erabiliz, Hodeia erabiltzen duen proiektu bat gauzatzea litzateke. Sentsore batetik datu bat irakurri eta Internetera konektatuz Hodei zerbitzu batean datu hori gorde.
Erronka onartu eta egiten duten UPV/EHUko ikasle guztiei Domina Digital bat emango diegu. Dominei buruz gehiago jakin nahi baduzu, horri buruzko blog sarrera bat ere badugu. Animatu zaitez!
https://blog.industriainformatika.pw/2022/01/badges-dominak-insignias.html