Hodeiak eta lainoak

 

Ez da lehenengo aldia Hodei konputazioari buruz hitz egiten duguna. Hodeiaren gaia asko interesatzen zaigu prozesuen automatizazioaren ikuspuntutik. Zer aukera ditugu Hodeiarekin? Nola antolatzen da? Hodeia, lainoa, ertza, IoT... ideia asko agertzen zaizkigu eta, aurrekoetan bezala, erronka bat proposatu nahi dizuegu, modu praktikoan gai hau lantzeko.

MyRIO MQTT

Industria 4.0 kontzeptuaren barruan Internet-Of-Things (IoT) industriara eramateko ideia dago. Laborategian erabiltzen dugun myRIO gailua IoT prototipo bezala erabiltzea interesgarria da, baina ezin dugu ti-ta egin gailua ez dagoelako horretarako prestatua, ezta gure laborategiko sarea ere.