NI myRIO gailua LabVIEWrekin programatzeko diseinatuta dago. Badu Cz programatzeko API bat, baina ez du mantenimendurik eta aspalditik deskargak ez du funtzionatzen. Hori jakinda, eta kuriositateak bultzatuta, beste hirugarren aukera bat esploratzea erabaki genuen: Python.
Python modako programazio hizkuntzetako bat da (JavaScript eta Rust aipatuko nituzke) eta badakigu, myRIOaren Linux irudia instalatzean hala aipatzen duelako, erabil daitekeela.
Hori jakinda, bilatzen hasi ginen eta nifpga Python paketea aurkitu genuen.
https://pypi.org/project/nifpga/
Liburutegi honek FPGAren erregistroak irakurtzeko aukera ematen du. Oinarrizkoa da, baina ongi dago. myRIOaren FPGAren konfigurazio lehenetsia oinarri hartuz, probak egiten hasi ginen eta bingo! Funtzionatu zuen. Hori jakinda, pixkanaka-pixkanaka Python liburutegi oso bat garatu genuen, bai myRIO barrutik (ssh bitartez konektatuta) bai urrutitik (gure PCtik) programatu ahal izateko. Liburutegi horri myRIO-library izena eman diogu eta hemen dago eskuragarri:
myRIO-library PYPI.org
https://pypi.org/project/myRIO-library/
myRIO-library GitHuben
https://github.com/AitzolEzeizaUPVEHU/myRIO_library
Gai honi buruz gehiago hitz egingo dugu, Python ikasteko aitzakia bezala erabiliko dugu.